सितारा मिरची १८ गुंठे २॥ महिन्यात ८ टन उत्पादन, २ लाख ७५ हजार

मी मागीलवर्षी १० डिसेंबर २०१० रोजी १८ गुंठ्यामध्ये सितारा मिरचीची लागवड ३' x १.५' वर केली होती. जमीन मध्यम प्रतीची असून पाणी ठिबकने देत होतो. यावर्षी प्रथमच डॉ.बावसकर टेक्नॉंलॉजीचा वापर मिरची पिकावर केला. मिरचीचे बियाणे जर्मिनेटरच्या द्रावणात बुडवून लावल्यामुळे उगवण १००% झाल्याचा सुरुवातीस आश्चर्यकारक अनुभव मिळाल्यानंतर पुढेही सप्तामृत फवारण्या करण्याचे ठरविले. रोपांची लागवड केल्यानंतर १५ - १५ दिवसांच्या अंतराने जर्मिनेटर, थाईवर, क्रॉंपशाईनर, प्रिझम प्रत्येकी ४० मिली आणि हार्मोनी २० मिली प्रति पंपास घेऊन पहिल्या दोन फवारण्या केल्या. त्यामुळे थंडी असतानाही मिरचीची वाढ जोमाने सुरू झाली. फुटवे निघू लागले. हार्मोनीमुळे बुरशीजन्य रोगांचा प्रादुर्भाव झाला नाही. हवामान खराब असल्याने फुलगळ होऊ लागली. भुरी रोगाचा प्रादुर्भाव जाणवू लागला म्हणून पुन्हा १५ दिवसांनी थ्राईवर, क्रॉंपशाईनर,प्रोटेक्टंट आणि हार्मोनीची फवारणी केली. त्याने भुरी रोग पुर्णता आटोक्यात आला. तसेच फुलकळीचे प्रमाण वाढून गळही थांबली. त्यामुळे फळधारणा चांगल्या प्रकारे झाली. पुढे मिरचीचे पोषण होऊन आकर्षक चमक येण्यासाठी थ्राईवर, क्रॉंपशाईनर सोबत राईपनर, न्युट्राटोन आणि हार्मोनीच्या फवारण्या चालू ठेवल्या. त्यामुळे झाडांवर फळांचे (मिरच्यांचे) प्रमाण वाढून दररोज तोडा, करावा लागला. दररोज १५ ते २० गोणी (गोणी ४५ ते ५५ किलो वजनाची) म्हणजे ७०० ते ८०० किलो मिरच्या निघत होत्या. मिरचीदेखील आकर्षक चमक असलेली सरळ, लांब वजनदार होती. त्यामुळे मुंबई मार्केटला ३५ ते ४० रू. किलो भाव शेवटपर्यंत मिळत होता.

अडीच महिने तोडे चालू होते. या १८ गुंठ्यातून ८ ते ९ टन उत्पदान मिळाले. त्याचेपासून २ लाख ७५ हजार रू. उत्पन्न मिळाले. या अनुभवावरून इतर भाजीपाला पिकांवरदेखील डॉ.बावसकर तंत्रज्ञानाचा वापर सुरू केला आहे.