तणनाशकाने गेलेली कपाशी दुरुस्त

मी डॉ.बावसकर टेक्नॉलॉजीचा वापर गेल्यावर्षीपासून कापूस पिकावर करीत आहे. गेल्यावर्षी मी ३ एकर हलक्या प्रतिच्या जमिनीत १२ जुलै २०१५ ला ४ x १ फुटावर ५ एकरमध्ये कापूस लावला होता. मागील ३ वर्ष सतत दुष्काळ पडत होता. गेल्यावर्षी पाऊस झाला मात्र त्यामध्येही खंड पडत होता. शिवाय जमीन हलक्या प्रतीची होती. अशा परिस्थितीतही डॉ.बावसकर टेक्नॉलॉजीच्या नियमित फवारण्यांमुळे ३ एकरातून २० क्विंटल कापूस मिळाला होता. तर माझ्या बाजुच्या शेतकऱ्यांना फक्त ५ - ६ क्विंटल कापूस झाला.

मी कृषी विज्ञान मासिकाचा वाचक आहे. त्यामध्ये सांगितल्याप्रमाणे डॉ.बावसकर टेक्नॉलॉजीचा वापर केला. जमीन हलकी व मध्यम आहे. माझ्या शेतामध्ये सुरुवातीस तणनाशकाचा वापर केला, मात्र त्याच्या दुष्परिणामानी माझी ५ एकर कपाशी जवळपास ७५% खराब झाली. मला काय करावे कळेना. त्यानंतर मी कंपनी प्रतिनिधी गजानन भगत (मो.नं. ९०४९२१८११८) यांच्याशी संपर्क साधला असता त्यांनी मला जर्मिनेटर ५० मिली + प्रिझम ५० मिली + १० लि. पाणी याप्रमाणे आळवणी करण्यास सांगितले. त्याप्रमाणे आळवणी केली. नंतर मी जर्मिनेटर ५० मिली + प्रिझम ५० मिली + क्रॉपशाईनर ५० मिली + न्युट्राटोन ५० मिली हे प्रतिपंपास घेऊन फवारणी केली. एवढ्यावर कापूस पिकात सुधारणा झाली आणि माझ्या हातातून गेलेले पीक डॉ.बावसकर टेक्नॉलॉजीमुळे हाती आले. त्यानंतर या ५ एकराला सप्तामृताच्या ३ फवारण्या केल्या असता मला जवळपास एकरी ११ क्विंटल एवढा उतारा मिळाला.