पाऊस पडूनही सोयाबीनची फुलगळ नाही, म्हणून तूर, पपई, ऊसासही डॉ.बावसकर टेक्नॉलॉजी

माझ्याकडे एकूण १५ एकर शेती आहे. त्यामध्ये बोअरवेल असून शेती ओलीताखाली आहे. परंतु गेली २ - ३ वर्ष पाऊस अपुरा पडत असल्यामुळे बागायती पिके ऊस, केळी व कापूस ही जवळपास घेवूच शकत नाही. मग कोरडवाहू कापूस केला तर मजुराचा प्रश्न उद्भवतो. या सर्व गोष्टीला पर्याय म्हणून सोयाबीन या पिकाची निवड करून लागवड करण्याचे ठरविले.

एकूण ५ एकर क्षेत्रावर ग्रिनगोल्ड जे.एस.३३५ हे वाण पेरण्याचे ठरविले. तेवढ्यात मला डॉ.बावसकर टेक्नॉलॉजी कंपनी प्रतिनिधी श्री. बुरंगे (मो. ८३०८८५१३८८) भेटले. त्यांनी मला डॉ.बावसकर टेक्नॉलॉजीचे सोयाबीन पिकसाठीचे महत्त्व याविषयी सविस्तर मार्गदर्शन करून ५ एकर सोयाबीन पैकी किमान २ एकर सोयाबीन क्षेत्राला डॉ.बावसकर तंत्रज्ञान वापरण्याचा सल्ला दिला. मग प्रयोगादाखल त्या २ एकर क्षेत्राला डॉ.बावसकर तंत्रज्ञान वापरण्याचे ठरविले. प्रथम २ एकर क्षेत्राला कल्पतरू सेंद्रिय खताच्या २ बॅगा टाकल्या. बियाला जर्मिनेटरची बिजप्रक्रिया केली. एकरी ३० किलो बियाणे लागले. जर्मिनेटरची बीज प्रक्रिया केल्यामुळे ९९% उगवण क्षमता झाली. उगवलेल्या मोडाची सुरूवातीच्या काळामध्ये वाढ चांगली झाली. नंतर पहिली पंचामृताची फवारणी फुल लागण्याच्या अवस्थेमध्ये असताना केली व नंतर दुसरी फवारणी २२ दिवसांनी केली. तसेच आळी नियंत्रणासाठी इमामेक्टीन बेन्झोएट ५% इ.सी. १० ग्रॅम ने घेतले.

मधल्या काळामध्ये पाऊस सतत लागून राहिल्यामुळे बाकीच्या ३ एकर क्षेत्रावरील सोयाबीनची फुलगळ झाली. शेंगांची सेटींगही झाली नाही. परंतु डॉ.बावसकर टेक्नॉलॉजी वापरलेल्या क्षेत्रावर त्याचा काहीही दुष्परिणाम झाला नाही. शेंगा एकसमान लागल्या व सोयाबीनची क्वॉलिटी सुधारली. मला डॉ.बावसकर टेक्नॉलॉजी वापरलेल्या २ एकर क्षेत्रामध्ये एकरी १३ क्विंटलचा उतारा मिळाला व अन्य ३ एकरमध्ये एकरी ११ क्विंटलचा उतारा मिळाला. त्यामुळे यापुढेही मी तुर, पपई, ऊस या पिकांना डॉ.बावसकर टेक्नॉलॉजीचा वापर करून उत्पादन वाढवण्याचा प्रयत्न करणार आहे.